lunes, 29 de noviembre de 2010

NOVAS RECEITAS DA COCIÑA DE LARPEIROS



http://www.editorialgalaxia.es/catalogo/libro.php?id_libro=0010340081



Xa está á venta o segundo libro de Larperios, coas novas receitas do programa, e que inclue un CD no que figuran a maioría das cantigas populares galegas que Lola Gestido e Benigno Campos, interpretan na cociña.
Este libro segue o mesmo estilo do anterior, con receitas tradicionais nas que se empregan produtos da terra e fáciles de conseguir. E no que o mestre Benigno recomenda o viño que debe acompañar a cada prato.

martes, 16 de noviembre de 2010

Outono Gastronómico 2010


Por cuarto ano consecutivo Turgalicia, en colaboración coas asociacións de turismo rural de Galicia, pon en marcha a campaña de promoción denominada “Outono Gastronómico en Turismo Rural”.
Do 15 de setembro ao 15 de decembro de 2010, o Turismo Rural de Galicia celebra o seu 4º OUTONO GASTRONÓMICO. Son máis de 100 casas rurais as que nos invitan a coñecelas e a gozar dalgunha das súas máis de 200 propostas gastronómicas diferentes. Cada unha das casas rurais ofrecerá un ou dous menús exclusivamente concibidos para esta ocasión.
A oferta do “Menú Outono Gastronómico” inclúe os entrantes, primeiros e segundos pratos, sobremesas, cafés ou infusións, viños ou outras bebidas polo prezo global de 30 €/persoa (IVE incluído). Tamén se ofrece a posibilidade de adquirir o “Paquete Outono Gastronómico” que permite degustar o menú outono gastronómico e pernoctar na casa de turismo rural elixida, incluíndo os almorzos do seguinte día dentro da oferta. O prezo é de 100 € /2 persoas en cuarto dobre ou de 60 €/1 persoa en cuarto individual. Pero a mellor opción para este ano de crise é a oferta completa da “Fin de semana Outono Gastronómico”. Neste caso inclúe 2 menús outono gastronómico por persoa, aloxamento e almorzo nunha das casas de turismo rural participantes nesta promoción (noite de venres e de sábado). O prezo é de180 €/2 persoas en cuarto dobre ou de 120 €/1 persoa en cuarto individual. Ademais este ano, aloxándose en calquera dos establecementos adheridos a este 4º Outono Gastronómico, pódese conseguir algún dos 120 premios directos escondidos no interior das casas rurais participantes.
Agardan fins de semana, paquetes gastronómicos e menús gratis para agradecer a confianza dos nosos turistas.As mais de 100 casas que desenvolven esta campaña ofrecen estes servizos durante os venres, sábados e domingos dos meses citados, proporcionando unha boa oportunidade para que o público que aínda non coñece o turismo rural de Galicia se achegue aos pazos, ás casas grandes, ás casas rectorais, ás casas de aldea e ás casas de labranza que compoñen a oferta galega deste senlleiro sector. A proposta invita a aproveitar esta oportunidade para achegarse á historia e ao patrimonio dos “Pazos de Galicia”, hoxe coidadosamente rehabilitados, para revivir a época das señoriais “Casas Grandes”, para pasar una noite nunha auténtica “Casa Reitoral” ou para sentir o latexo da vida rural das “Casas de Aldea” ou das “Casas de Labranza”.
Estes menús xunto con toda a información desta campaña pode ser consultada na páxina web de Turgalicia, www.turgalicia.es, de xeito que os clientes poden estudar previamente tanto as composicións dos menús como as fotografías e o resto das características das casas participantes, a fin de facilitarlles a elección mais acaída aos seus gustos. Elixa entre as máis de 100 casas rurais participantes e regálese un xantar moi especial.
(Ofertas válidas en venres, sábados e domingos do 15 de setembro ao 15 de decembro de 2010)+ Información: www.turgalicia.es / 902 200 432

jueves, 30 de septiembre de 2010


Lembrade que na páxina web da TVG podedes ver aqueles programas de LARPEIROS que máis vos gustaron:
http://crtvg.es/TVGacarta/?prog=431

lunes, 13 de septiembre de 2010
















Lambonciños e lambonciñas, xa queda menos para o regreso dos larpeiros con novas receitas e grandes aventuras.

Estade atentos que moi pronto anunciaremos a data

viernes, 23 de julio de 2010


¿Queres ser un larpeiro? ¿Gústache cociñar, comer e falas galego? Colga no noso facebook un video de 1 minuto contándonos que che gusta cociñar e comer, claro!! Anímate e participa, os larpeiros agardan por ti!!

miércoles, 21 de julio de 2010







O mes pasado Tomás Alonso e Benigno Campos fixeron unha demostración de cociña na Semana Verde de Silleda.

jueves, 1 de julio de 2010

Últimas noticias







Hoxe non hai emisión de Larpeiros. Os vosos amigos marchan de vacacións, pero non desesperedes que voltan o día 2 de setembro.
Durante os meses de xullo e agosto non haberá larpeiradas na Galega. Á volta do verán, voltaremos con novas aventuras...
...e unha das sorpresas que vos agardan en setembro é a cociña con conservas do maestro Xosé Cannas. Se queredes aproveitar nas vosas vacacións para degustar a súa esquisita cociña podedes visitar o seu restaurante "Pepe Vieira" no camiño da Serpe, en Poio.
Outro dos pratos que descubriredes é unha caldeirada de peixe feita ...por Celia Cabrera a cociñeira do restaurante "O Croque" en Vigo. Pero tamén disfrutaremos cun delicioso porco con cervexa do noso xefe de cociña Don Benigno Campos, ou dun saboroso arroz con bogavante...

lunes, 28 de junio de 2010

"UN SEÑOR CON OITO PERNAS"


Este xoves volven as aventuras dos larpeiros máis simpáticos da Televisión de Galicia cun programa que se emitirá o primeiro de xullo as 22,30 sobre o polbo galego.

Nesta ocasión visitará a casa dos Larpeiros unha das pulpeiras máis famosas do Carballiño, Aurora Baranda, unha muller que leva máis de trinta anos cocendo o polbo e facendo unha obra de arte con cada ración. Aurora acode a cita cargada con tódolos seus trebellos e preparará un pulpo á feira que seguro non defraudará a ninguén.

Entrementres, o larpeiro itinerante Tomás Alonso realizará a súa peculiar investigación no concello de Bueu, concretamente, nas augas que baten a costa da illa de Ons, onde o seu amigo José Manuel aprenderalle as artes dos naseiros que cada día saen a pescar este cefalópodo.

Logo ten pensado ir ó mercado de Teis, en Vigo, a por un exemplar de dous quilos, unhas verduriñas e, se ten tempo, pasará por Lalín para levarlles aos seus amigos algo do rico embutido lalinense.

Benigno non vai quedar cos brazos cruzados, coa axuda de Lola, Leni e Aurora ten previsto facer un guiso de polbo deses que quitan o sentido…

Así que, xa sabedes larpeiros e lambonciños do país, eu non o perdería por nada do mundo. Todo este menú e, ademais, podería caer polo medio algunha peza que boten Leni, Benigno ou Lola polo camiño…

Lembrade, as dez e media da noite, na Galega, os Larpeiros xúntanse de novo para preparar un bo pulpo.

Un saúdo e ata a semana que ven!

viernes, 25 de junio de 2010

RECEITAS LARPEIRAS

GUISO DE AGULLA CON FIDEOS:

INGREDIENTES
1,5 k de carne (unha boa peza de agulla, cortada en dados)
500 grs de fideos do número 4...
3 Cebolas, allos
2 Porro
4 cenorias
Pemento vermello
Tomate triturado
Unha cunca de chícharos
Caldo de carne
Azafrán

COCIÑAMOS
Salpementamos a carne
Dourámola no aceite
Unha vez dourada, botamos as verduras cortadas, a pochar
Cando estean pochadas, incorporamos o tomate triturado
Logo dun minuto, mollamos co caldo
Tamén poñemos os chícharos e deixamos que todo coza uns vintecinco minutos
Coa carne xa case feita, poñemos os fideos
Incorporamos o azafrán
8-10 minutos de cocción… e listo

lunes, 21 de junio de 2010


Queridos amigos, se queredes que os larpeiros fagan algunha das vosas receitas preferidas, non dubidedes en enviarnos as vosas suxerencias ao noso enderezo electrónico: programatvg@gmail.com

Lembrade que podedes ver todos os programas neste enderezo web:
http://www.crtvg.es/TVGacarta/?prog=431

Os lambóns diplomados máis divertidos da Galega regresan o xoves 24 de xuño as 22,30 da noite cunha nova entrega de Larpeiros na que Tomás Alonso averiguará case todo sobre a tenreira galega e Benigno Campos cociñará un sensacional guiso de carne de agulla con fideos.

Logo do almorzo, o larpeiro itinerante Tomás Alonso achegarase ata o mercado de gando de Silleda para ver polo miudo como é iso de ser tratante de gando. Alí espéranlle Carlos e Xulio, dous auténticos expertos cos que coñecerá tódolos segredos do oficio.

Desde Silleda a Santiago para mercar a carne de agulla e as verduriñas para o guiso…así como algunha ca outra sorpresiña…E logo, de Santiago a Lalín para mercar o aperitivo na Lalinense.

En fin, que cando todo iso chegue as mans de Benigno, na cociña haberá unha festa de tal magnitude que so os máis lambóns poderán degustar. Lembrade, este xoves, na galega Guiso de tenreira con fideos. Eu non o perdería, larpeiros!

martes, 15 de junio de 2010

"SABOR A MAR" - Xoves 17 - 22:30h - TVG


Nesta nova entrega o larpeiro itinerante Tomás Alonso desprazarase ata a Illa de Arousa para ver como se crían nunha batea os mellores mexillóns do mundo, os mexillóns de Galicia.
O bateeiro Ramón Otero amosaralle a Tomás tódolos segredos da cría deste molusco, que grazas o bo facer de tódolos traballadores do sector, converteu o noso país no segundo produtor do mundo.

Tomás embarcará no peirao de Xofre, na Illa de Arousa, e desde alí irá con Ramón e a súa tripulación ás bateas. Levantar as cordas, saca-los mexillóns, limpalos, clasificalos e metelos en sacos serán algunhas das tarefas que deberá facer este investigador antes de ir ao mercado de Pontevedra a pola pescada e os mexillóns.

Así pois, os produtos coa denominación de Pescaderías serán as estrelas do prato que vai cociñar a campiona da cociña galega de 2008, Inés Abril, unha moza cociñeira que desenvolve a súa sabedoría culinaria nos fogóns do restaurante vigués Maruja Limón.

Con produtos galegos das nosas rías, pescada e mexillóns, Inés fará un exquisito prato que lle aprendeu a súa nai e que vai perdurando a través de varias xeneracións “A pescada rechea de mexillóns”.

Seguro que nas mans desta cociñeira e no padal dos larpeiros este prato e este programa van ser todo un éxito. Que vos guste!

martes, 8 de junio de 2010


Coma tódolos xoves, os larpeiros reúnense para argallar unha receita; para esta ocasión teñen a unha nova invitada, Carmen Posada. Benigno Campos propón facer un cordeiro con menestra de verduras, un plato bárbaro no que Tomás Alonso, unha vez máis, terá que esmerarse para conseguir os mellores ingredientes.
O noso reporteiro gastronómico diríxese ó concello de Maceda a coñecer a granxa de ovellas máis grande de Galicia, que conta cun total de 1300 ovellas e que neste momento teñen 300 años, en camiño algún que outro máis. Tomás aprenderá todo o necesario para ser un bó pastor de ovellas.
Despois da aprendizaxe, Tomás sairá correndo hacia o mercado do Calvario, en Vigo, para comprar parte dos produtos da receita. Lola, mentres, acercarase ata o mercado de Moaña a comprar as verduras.
E antes de cociñar, abrirán o apetito cun aperitivo con queixo de ovella.
E, coma sempre, o mestre Benigno convence os larpeiros cunha exitosa e riquisima receita. Non o perdades, larpeiriños.

jueves, 3 de junio de 2010

"A larpeira do mar"


Hoxe ás 22:30 na Galega podedes ver como o noso xornalista de investigación Tomás Alonso vai ata Baiona para coñecer de preto os segredos da pesca con cebo vivo para conseguir un peixe dos máis apreciados nos mercados, a robaliza!
Despois veremos como o mestre Benigno prepara este róbalo cunha rica salsa verde que fará disfrutar os larpeiros na mesa.
Ata a noite lambonciños!

martes, 25 de mayo de 2010

Mariscadores diplomados


Este xoves, os nosos galdrumeiros cociñarán unhas fabas con ameixas de Barallobre.

Tomás achegarase ata a ría de Ferrol, concretamente a localidade de Fene e o porto de Barallobre. Alí coñecerá a Xira, unha experta e simpática mariscadora que lle amosará ao noso larpeiro itinerante os segredos do marisqueo e aprenderalle a distinguir as ameixas finas, das babosas e das xapónicas.

Unha vez rematadas as faenas de marisqueo Tomás irá polas ameixas ao mercado de Ferrol e xa con todo o material no cesto regresará á casa para que don Benigno realice outra das súas obras mestras da cociña universal.

Así que, xa sabedes, lambonciños, tanto se vos gustan, ou non, as ameixas con fabas, este xoves na Galega ás 22:30 podedes ver este divertido programa.

martes, 18 de mayo de 2010

Polo río abaixo vai unha troita de pe.


Nesta ocasión, os galdrumeiros máis divertidos da Galega cociñarán unhas troitas con xamón, froitos secos e pisto.

A aventura de Tomás desenvolverase en Quiroga, na provincia de Lugo, onde se atopa dende hai catro décadas a piscifactoría de troitas Piscilor, as beiras do río Lor. Víctor López, que leva 35 anos na empresa, amosaralle a Tomás tódolos segredos sobre a cría de troitas en cautividade; ademais o noso larpeiro coñecerá de primeira man cómo é o proceso de engorde destes peixes que cociñará don Benigno.

Desde Quiroga, Tomás irá cara ó mercado vigués de Teis para facerse con cicno exemplares de ración, unhas verduriás para o pisto e media ducia de ovos de paspallás.

Así que, xa sabedes, lambonciños, se vos gustan ou non os peixes de río, neste caso do río Lor, este xoves ás 22:30 na Galega podedes ver o capítulo de Larpeiros titulado “Unha troita de pé”. Que vos guste!

lunes, 10 de mayo de 2010


Esta semana os larpeiros andan moi emocionados porque no aperitivo van probar un dos pratos máis exquisitos da gastronomía mundial, considerado un auténtico luxo. Olalá!

E ademáis don Benigno vai preparar un delicioso arroz con pato, e con algún segredo tamén.

Haberá que estar moi atentos para descubrilo todo.

Lembrade, o xoves ás 22:30 na TVG.

Saudos lambonciños!

miércoles, 5 de mayo de 2010

¡ESTAMOS COMO CABRAS!


Mañá xoves o xornalista de investigación Tomás Alonso desprazarase ata os montes de Cabeiras, en Arbo, para coñecer de primeira man cómo se crían uns cabritos de gran calidade.

Logo de pastorear, achegarase ata As Neves, á adega "Coto Redondo", para levarlles os seus amigos unhas botellas de tinto galego Señorío de Rubiós.

No mercado das Travesas, en Vigo, comprará o cabrito e as verduriñas…e con todos eses elementos o comandante Don Benigno Campos preparará un exquisito cabrito na tarteira co que seguro gozarán tódolos comensais que senten á mesa.

Lembrade lambonciños! Este xoves, as dez e media na Galega.

¡Un saúdo e bo apetito!

jueves, 29 de abril de 2010

¡CHEGA A QUINTA TEMPORADA DE LARPEIROS!

Hoxe comeza unha nova temporada de Larpeiros, na que os lambóns máis simpáticos da tele mercarán, cociñarán e comerán un rico lombo mechado con verduriñas do país.

Tomás comezará as súas tarefas de investigación en Vilanova de Arousa, terra de grandes escritores como Valle Inclán e de grandes verduras e hortalizas como as que cultiva Amalia no seu bonito invernadoiro. Ali aprenderá a sementar pementos.

Logo o noso amigo se achegará ata Cambados onde axudará a súa amiga Mila a limpar e envasar unhas leitugas de primeira calidade.

Por último, na carnicería de Héctor, no mercado do Progreso de Vigo, Tomás comprará o lombo de porco que lle ha levar a don Benigno.

Xa na cociña, nas expertas mans do capitán Campos, o lombo mechado seguro vai ser todo un éxito.

Esta noite ás 22:25 horas na TVG, eu non o perdería…

viernes, 23 de abril de 2010

QUINTA TEMPORADA








Cabritos, polbos, ovellas, patos...
Aqui tedes un pequeno avance do que veredes na nova temporada de Larpeiros.
Agardamos que vos guste.


martes, 20 de abril de 2010

XOVES 29 DE ABRIL


O xoves día 29 de abril regresan os larpeiros con novas receitas e máis aventuras.

Estade atentos lambonciños e lambonciñas!

viernes, 26 de marzo de 2010

Rematamos a cuarta tempada de Larpeiros

Queridos amigos, o vindeiro xoves veredes a última aventura desta tempada dos nosos amigos larpeiros.
Agardamos que disfrutarades moito coa súa compaña e que quededes con gañas de máis, xa que moi pronto volverán con novas e boas receitas.
Saúdos lambonciños!
E moi feliz semana santa!

miércoles, 24 de marzo de 2010

O éxito de Larpeiros continúa tras 50 programas



Os lambóns máis simpáticos e mediáticos de Galicia celebran este xoves (A Galega, 22,30 horas) o seu 50 aniversario comendo unha riquísima carne de tenreira do país con ceboliñas de Sanxenxo.

O programa Se non é vaca é boi, penúltimo da cuarta temporada, ben a certifica-lo éxito e gran acollida deste innovador formato que reúne cada semana fronte o receptor a máis de 200.000 galegos, acadando nos últimos tempos unha cota de pantalla do 18%.

Neste espazo, que se emitirá o día 25 de marzo, o larpeiro itinerante Tomás Alonso desprazarase ata Monforte de Lemos para visita-la finca Balboa, onde o seu amigo Emilio descubrirá tódolos segredos dos mellores bois de Galicia. Uns animaliños que poden chegar a pesar máis dunha tonelada e media.

Logo de pasar polas terras do Val do Lemos Tomás acudirá ó mercado de Sanxenxo onde recibirá un curso acelerado de enrestrado de cebolas e mercará unha espaldiña de tenreira galega de primeira calidade.

Con boa carne, saborosas ceboliñas e verduras ben frescas don Benigno preparará para os Larpeiros un guiso de tenreira en prebe de cebola que seguro conquistará o exquisito padal dos galdrumeiros máis populares e lambóciños da Televisión de Galicia.

Tras dous anos en antena e con 50 programas as costas, Tomás, Benigno, Lola, Leni e Cruz están preparnado xa novos pratos e novas aventuras para seguir entretendo ó espectador e mantendo a confianza dunha audiencia que lle segue sendo fiel desde o primeiro día no que se emitiú Larpeiros por primeira vez.

Grazas a todos pola vosa colaboración. Un saúdo.

lunes, 22 de marzo de 2010

SE NON É BOI É VACA

Pois sí amigos, esta semana Tomás vai a unha granxa de bois en Monforte de Lemos, pero en realidade don Benigno o que vai preparar é un exquisito prato de tenreira en salsa de cebola.
Xa sabedes que cada semana descubrides algo máis grazas ás excursións do noso intrépido xornalista por Galicia adiante, pero sobre todo podedes aprender a cociñar un novo prato deses que fan da hora de xantar unha auténtica festa.
Agardamos que vos guste o que vos temos preparado para este xoves.
¡Saúdos lambonciños!




lunes, 15 de marzo de 2010

¿De ónde ven Tomás con ese cesto cheo de allos porros? O mellor dito, o que é máis importante, ¿cara ónde se dirixe?
¡A solución e ben fácil lambonciños! Este xoves descubriredes que o noso intrépido xornalista estivo con Toñi en Salvaterra de Miño documentándose sobre os allos porros, e tamén como pasou polo mercado de abastos de Pontevedra para que o seu peixeiro de cabeceira Marcos lle aprendese a distinguir un bó exemplar de abadexo.
¿E todo iso para qué? os preguntaredes, pois para que o mestre Benigno lles prepare aos larpeiros un rico abadexo en salsa de porros, un deses pratos que están para chuparse os dedos.
¡Que o disfrutedes vos tamén galdrumeiros.!

lunes, 8 de marzo de 2010

Bótalle guindas ao pavo!


Nesta ocasión, Tomás acercarase ata o concello de Boimorto na procura dos mellores pavos do pais. Benigno precisa duns bos exemplares para facer un estufado de pavo, unha receita ben saborosa que non deixará indiferentes ós nosos comensais. Para completar o estufado teremos unha goarnición de repolo cunha selección de verduriñas variadas. E para o aperitivo: pavo en escabeche.
Pero antes de levalos á cociña, Tomás amosaranos como é a cria destas aves e traballará duro. E ata fará amigos!.
Haberá que agardar para saber cal é o segredo de Benigno para facer unha nova receita.

lunes, 1 de marzo de 2010




Esta semana don Benigno quere preparar un dos productos galegos máis típicos pero dunha forma non tan típica.


O prato que ten en mente o noso cociñeiro é un arroz con vieiras, e para axudarlle cos ingredientes Tomás terá que ir ata Cambados a coñecer máis de preto o mundo da vieira.


A ver si se lle da mellor esto que a caza, porque si non...

miércoles, 24 de febrero de 2010

“Tomás Alonso e o equipo de Larpeiros de caza no concello de Rodeiro”.


Unha vez máis, un equipo do programa Larpeiros da Televisión de Galicia, co xornalista de investigación Tomás Alonso á cabeza, visitou a comarca do Deza na procura dun bó coello. O noso intrépido reporteiro, acompañado de varios cazadores da zona, aprendeu todo o relacionado ca caza no couto de Rodeiro. Nesta particular batida de caza aprenderemos os costumes dos coellos e decataremonos de que non resulta nada doado darlles alcance. Pero don Benigno non se fia das habilidades de Tomás e decide ir facer a compra el mesmo. Haberá que agardar para saber se o noso cociñeiro dubidaba en balde… Pero con ou sen a axuda de Tomás, os larpeiros xantarán un rico coello estufado con verduriñas e arroz.
Esta nova aventura dos larpeiros poderá seguirse na Galega este xoves a partires das 22:15 h.

lunes, 22 de febrero de 2010

Pim, pam, pum!


Esta semana o noso querido cociñeiro quere preparar coello estufado. Para iso don Benigno vai precisar dous coelliños. Tomás, que quere quedar ben, pensa en ir buscalos aos montes de Rodeiro. ¿Será quén de cazar algo?

Pois haberá que agardar ata este xoves a dez e media da noite para comprobar a súa puntería nesta nova misión.
Eso sí, seguro que don Benigno non vai fracasar na súa.

lunes, 15 de febrero de 2010

Rumbo á castañeta.


Esta semana don Benigno vai preparar unha palometa,
e a receita vai sorprender a todos. Ademáis, o noso cociñeiro, quere acompañar o peixe dunhas ameixas babosas e esta é a excusa perfecta para que Tomás se achegue a mariscar a Carril.
Para ver o resultado final teredes que agardar ata o xoves.
¡Paciencia lambonciños e lambonciñas!
E como diría a nosa querida Lola...
"a bordo que hai castañeta".

jueves, 11 de febrero de 2010

Un día entre anxos.


Esta foto é o resultado dunha emocionante xornada vivida polos nosos amigos Tomás e Benigno nas instalacións da Fundación Menela en Vigo.
As estupendas coidadoras deste centro de rapaces autistas os convidaron a coñecer a estes nenos e nenas que son fieis seguidores do programa, sobre todo Iván.
Despois de pasar un rato con eles don Benigno decidiu volver para facerlles unha das suas famosas paellas xigantes e presentarlles de paso a Tomás.
Ambos disfrutaron moitísimo desta xornada e incluso se emocionaron en varios momentos.
Ademáis o magnífico gaiteiro Marcos Campos e o seu grupo amenizaron coa súa música este gran día que os nosos larpeiros nunca podrán esquecer.
Grazas a todas esas persoas que traballan con tanto agarimo e dedicación nesta fundación de Vigo, e grazas de todo corazón a todos eses cativos que fixeron hoxe tan felices a Tomás e Benigno.

miércoles, 10 de febrero de 2010

Xoves 11 - 22:15H - TVG - "Queremos mel".



Nesta nova aventura dos larpeiros descubriremos como utilizar o mel na cociña, xa que este manxar non se emprega só na reposteria senón que incorpórase cada vez máis a miúdo para aportarlle un toque orixinal os nosos pratos. E para lograr esta fazaña contarán coa axuda dunha invitada, a cociñeira Celia Cabrera, quen nos propón un cordeiro ó mel. A combinación do doce e o salgado emociona os nosos larpeiros e pronto Tomás diríxese ó lugar de Beade no concello de Vigo. Alí agárdao Xosé, un experto na arte da apicultura. Un perigoso traballo no que o intrépido xornalista porá todas a súas enerxias para ensinaranos os beneficios do mel. Pero os larpeiros teñen outro encargo para Tomás, necesitan que merque cuscús e froitos secos para acompañar o cordeiro. Con tódolos ingredientes na cesta da compra, Benigno e Celia xa están listos para meterse na cociña.
Con estes dous cociñeiros de primeira, o xantar fará as delicias de tódolos larpeiros.

Xoves 11 - 22:15H - TVG - "Queremos mel".



Nesta nova aventura dos larpeiros descubriremos como utilizar o mel na cociña, xa que este manxar non se emprega só na reposteria senón que incorpórase cada vez máis a miúdo para aportarlle un toque orixinal os nosos pratos. E para lograr esta fazaña contarán coa axuda dunha invitada, a cociñeira Celia Cabrera, quen nos propón un cordeiro ó mel. A combinación do doce e o salgado emociona os nosos larpeiros e pronto Tomás diríxese ó lugar de Beade no concello de Vigo. Alí agárdao Xosé, un experto na arte da apicultura. Un perigoso traballo no que o intrépido xornalista porá todas a súas enerxias para ensinaranos os beneficios do mel. Pero os larpeiros teñen outro encargo para Tomás, necesitan que merque cuscús e froitos secos para acompañar o cordeiro. Con tódolos ingredientes na cesta da compra, Benigno e Celia xa están listos para meterse na cociña.
Con estes dous cociñeiros de primeira, o xantar fará as delicias de tódolos larpeiros.

lunes, 8 de febrero de 2010




Esta semana os nosos larpeiros contarán coa visita da súa amiga Celia Cabrera, do restaurante "O Croque" no Museo do Mar de Vigo.
Ela e máis Benigno compartirán a cociña para preparar un novo prato.
Mentres Tomás vai visitar unhas colmeas de abellas nos montes de Beade en Vigo.
¿E todo isto para qué?

viernes, 5 de febrero de 2010

Vacas e bacallaus

Agora xa sabedes que non comeron carne, que tomaron bacallau.
¡E con leite nada menos!
Agardamos que vos gustara moito a excursión de Tomás polas terras do Deza para coñecer de cerca o leite cru O Alle e que disfrutarades coa receita de hoxe.

lunes, 1 de febrero de 2010




¿Qué pensades que vai cociñar Benigno este xoves si, como vemos, Tomás foi a unha granxa de vacas?.
Pois igual levades unha gran sorpresa lambonciños.

jueves, 28 de enero de 2010

HOXE ÁS 22:10 "SIDRA PARA TODOS!



No programa de hoxe os larpeiros sorpréndenos cun guiso diferente: pescada á sidra. Un prato saboroso para o que Benigno precisará da colaboración de varios dos nosos lambonciños. Tomás ofrécese a buscar á sidra e encamiña os seus pasos a Chantada. Alí acude a un campo de maceiras, apaña unhas boas mazás e mesmo nos leva a unha fabrica de sidra para ensinarnos como se obtén esta rica bebida. Iso si, 100% galega.
Desta vez é Lola a encargada de mercar o resto dos ingredientes: a pescada, as ameixas e as cebolas. Xa de volta no pazo, Tomás tentará escanciar uns vasiños de sidra para os larpeiros, aínda que sen moito éxito. Menos mal que Leni gárdase un as na manga para axudar ó rapaz.
Os cociñeiros esforzaranse por conquistar o padal dos larpeiros cun menú no que a sidra será o ingrediente principal.

lunes, 25 de enero de 2010

¿Tomás ou o fillo de Guillermo Tell?


Esta foto é unha pista do prato que van degustar os nosos amigos larpeiros este xoves. De momento no vamos desvelar o misterio. Pensade en cousas que se fan con mazás e igual adiviñades.

martes, 19 de enero de 2010

Toma castaña!


Así de felices quedaron os nosos compañeiros despois de pasar o día no Souto Do Pedrouzo en Moneixas.
Si queredes ver o resultado final desta gravación non perdades o programa desta noite. Veredes a Tomás recollendo castañas acompañado da encantadora familia Fernández de Lalín e a Benigno preparando un polo con améndoas e castañas para chuparse os dedos.
Todo isto coma sempre na TVG, hoxe ás 22:oo aproximadamente.
Saúdos larpeiros!

jueves, 14 de enero de 2010

Hoxe, xoves día 14 de xaneiro do 2010, iniciada xa a nova temporada, os "Larpeiros" reúnense esta noite para decidir, entre conversa e humor, a receita da velada, pois teñen ganas de peixe pero non rematan de poñerse de acordo. Tras unha discusión moi animada, o mestre Benigno conclúe que a receita do programa desta noite será un salmón con fideos e ameixas babosas. Pero un dos colegas larpeiros, o xornalista intrépido Tomás Alonso, que está de antollo, engade á lista da compra unhas anguías.Para coñecer mellor estes misteriosos peixes, Tomás Alonso porá rumbo a Arcade, no concello de Soutomaior, onde aprenderá o oficio, un traballo moi duro en que o reporteiro porá todos os seus esforzos. Canso da xornada de pesca, parará a tomar unha tapa de anguías fritidas e levará unha empanada para o aperitivo.Mentres Benigno e Lola se empregan a fondo entre os fogóns, o resto dos larpeiros degustará a empanada. A receita que prepararán para esta velada consiste nun guiso co salmón cortado en dados, verduras variadas e unhas ameixas babosas. Todo está preparado, pois, para que os larpeiros lle dean o visto e prace a este delicioso xantar.

lunes, 11 de enero de 2010


O xoves 14, á hora de sempre, poderemos ver un novo programa de Larpeiros.
Nesta ocasión o noso amigo Benigno vai cociñar uns fideos con salmón.
E ademáis teremos unha nova aventura de Tomás, esta vez pescando anguías cos mariñeiros de Arcade.
Este programa de "peixes viaxeiros" non vai estar nada mal.

lunes, 4 de enero de 2010

XOVES 7 DE XANEIRO DO 2010. 21:30 HORAS. TVG.


Este xoves día 7 Larpeiros comeza a súa cuarta temporada con novas receitas. Neste primeiro programa "Aí veñen os porcos" Benigno vai preparar unha paleta de porco con laranxa.